15 студзеня 2015 г. – 115 гадоў з дня нараджэння Паўла Восіпавіча Горына-Каляды (1900–1938), беларускага гісторыка, прафесара МДУ, дзяржаўнага дзеяча БССР, акадэміка НАН БССР
Павел Восіпавіч Горын (сапраўднае прозвішча Каляда) нарадзіўся 15 студзеня 1900 года ў мястэчку Картуз-Бяроза Пружанскага павета Гродзенскай губерні (цяпер г. Бяроза Брэсцкай вобласці). Яго бацька, Восіп Каляда паходзіў з сялян, служыў сельскім фельчарам.
2 студзеня 2015 г. – 70 гадоў з дня нараджэння (1945) Сяргея Уладзіміравіча Кабяка, вучонага-гісторыка, заслужанага работніка адукацыі Беларусі, выдатніка народнай асветы
Сяргей Уладзіміравіч Кабяк нарадзіўся 2 студзеня 1945 года ў вёсцы Скарчава Баранавіцкага раёна (цяпер у Брэсцкай вобласці).
16 верасня 2014 г. – 60 гадоў з дня нараджэння Ларысы Уладзіміраўны Языковіч (1954), вучонага-гісторыка, аўтара прац па пытаннях міжнароднай дзейнасці Беларусі, гісторыі беларускай дыяспары ў краінах блізкага і далёкага замежжа
Ларыса Уладзіміраўна Языковіч нарадзілася 16 верасня 1954 года ў горадзе Ганцавічы Брэсцкай вобласці.
8 жніўня 2014 г. – 140 гадоў з дня нараджэння Барыса Мікалаевіча Жуковіча (1874–1938), гісторыка, архівіста
Барыс Мікалаевіч Жуковіч нарадзіўся 8 жніўня 1874 года ў сям’і патомнага свяшчэнніка ў г. Пружаны Гродзенскай губерні (цяпер у Брэсцкай вобласці) Яго бацька Мікалай Міхайлавіч Жуковіч (1827–1906) служыў пратаіерэем Аляксандра-Неўскага сабора, быў чалавекам шырока адукаваным. Старэйшы брат Барыса – Платон Мікалаевіч Жуковіч (1857–1919) – прафесар Санкт-Пецярбургскай духоўнай акадэміі, даследчык царкоўнай і грамадзянскай гісторыі Беларусі.
7 жніўня 2014 г. – 135 гадоў з дня нараджэння Пятра Антонавіча Крачэўскага (Крэчэўскага; 1879–1928), беларускага палітычнага дзеяча, паэта, драматурга, гісторыка
Пётр Антонавіч Крачэўскі нарадзіўся 7 жніўня 1879 года ў сям’і дыякана вясковай царквы ў Кобрынскім павеце Гродзенскай губерні (цяпер Кобрынскі раён у Брэсцкай вобласці). Пасля заканчэння Віленскай духоўнай семінарыі ў 1902 годзе настаўнічаў у Ялоўцы на Беласточчыне і ў Ваўкавыскім павеце.
Перад Першай сусветнай вайной працаваў у Віленскім дзяржаўным банку (1909–1914). Напачатку банкаўскай кар’еры часта трапляў пад пільную ўвагу паліцыі, віной чаму былі яго цесныя сувязі з рознымі палітычнымі групамі. Праца ў банку дала Пятру Крачэўскаму магчымасць наладзіць зносіны са шматлікімі беларусамі, якія займалі пасты ў структурах улады.
18 лютага 2014 г. – 100 гадоў з дня нараджэння Васілія Пятровіча Ласковіча (1914–2012), удзельніка рэвалюцыйнага руху ў Заходняй Беларусі, юрыста, гісторыка, публіцыста, кавалера ордэна Францыска Скарыны (2004)
Васілій Пятровіч Ласковіч нарадзіўся 18 лютага 1914 года ў вёсцы Франопаль Брэсцкага павета (цяпер Брэсцкі раён Брэсцкай вобласці) у беднай сялянскай сям’і.
20 кастрычніка 2013 г. – 280 гадоў з дня нараджэння Адама Тадэвуша Станіслава Нарушэвіча (1733–1796), гісторыка, паэта, асветніка, перакладчыка, рэлігійнага дзеяча
Адам Тадэвуш Станіслаў Нарушэвіч нарадзіўся каля мястэчка Лагішын Пінскага павета ў збяднелай шляхецкай сям’і. Ахрышчаны ў Лагішыне як Адам Тадэвуш, з 1781 года карыстаўся імем Станіслаў. Вучыўся ў Пінскім езуіцкім калегіуме, дзе ў пятнаццацігадовым узросце ўступіў у ордэн езуітаў, у 1748–1754 гадах – у Віленскай акадэміі, у 1758–1762 гадах – у Ліёне (Францыя).
13 кастрычніка 2013 г. – 240 гадоў з дня нараджэння Лукаша Іосіфавіча Галамбёўскага (1773–1849), польскага гісторыка, этнографа, архівіста
Лукаш Іосіфавіч Галамбёўскі нарадзіўся 13 кастрычніка 1773 года ў вёсцы Пагост каля г. Пiнска (цяпер Пагост-Загародскі Пінскага раёна Брэсцкай вобласці). У Дубровіцы (зараз раённы цэнтр на Украіне) скончыў манаскую школу. Працаваў бібліятэкарам у вядомага гісторыка Т. Чацкага, разам з якім дзеля адшукання кніг і рукапісаў наведаў многія кляштары і касцёлы Польшчы.
24 верасня 2013 г. – 135 гадоў з дня нараджэння Юзафа Эдварда Пузыны (1878–1949), гісторыка, пісьменніка
Юзаф Эдвард Пузына нарадзіўся 24 верасня 1878 года ў маёнтку Грымяча (цяпер вёска Камянецкага раёна Брэсцкай вобласці). Уладальнікам маёнтка ў другой палове XIX ст. быў яго бацька, князь Юзаф Адольф Пузына (1846–1914), прадстаўнік аднаго са старажытных родаў Вялікага Княства Літоўскага. Маці яго была Марыя Тэкля Жазефіна (Акветка-Шышла) (1858–1933).
26 верасня 2013 г. – 80 гадоў з дня нараджэння (1933) Паўлы Пятроўны Украінец, гісторыка, палітолага, сацыёлага, выдатніка адукацыі Беларусі, лаўрэата прэміі імя У. І. Пічэты БДУ (2009)
Паўла Пятроўна Украінец нарадзілася 26 верасня 1933 года ў вёсцы Харомск Столінскага раёна Брэсцкай вобласці.